ઉધરસ થાય ત્યારે....

(1) મરીનું ચૂર્ણ નાખી ઉકાળેલું દૂધ પીવાથી ઉધરસ મટે છે.
(2) અડધા ગ્રામ મરીનું ચૂર્ણ, 3 ગ્રામ મધ અને સાકર ચાટવાથી ઉધરસ મટે છે.
(3) બારીક ચૂર્ણ ઘી, મધ અને સાકર મેળવી ચાટવાથી બધી જાતની ખાંસી મટે છે.
(4) આદુના રસમાં મધ મેળવી પીવાથી ઉધરસમાં ફાયદો થાય છે.
(5) આદુનો રસ, લીંબુંનો રસ અને સિંધવ એકત્ર કરી ભોજનની શરૂઆતમાં લેવાથી ઉધરસ મટે છે.
(6) ગંઠોડા, સૂંઠ અને બહેડાદળનું ચૂર્ણ મધમાં ચાટવાથી ઉધરસ મટે છે.
(7) લવિંગને મોંમા રાખઈ રસ સૂચવાથી કંટાળાજનક ખાંસી મટે છે.
(8) દાડમના ફળની છાલનો ટૂકો મોંમા રાખી તેનો રસ ચૂસવાથી ખાંસી મટે છે.
(9) બાજરીના લોટમાં હળદર મેળવી, રાત્રે ફાકી લઈ પાણી પીધા વિના સૂઈ જવાથી ઉધરસ મટે છે.
(10) રાત્રે થોડા શેકેલ ચણા ખાઈ ઉપર પાણી પીધા વગર સૂઈ જવાથી ઉધરસ મટે છે.
(11) 5 ગ્રામ જેટલું મધ દિવસમાં ચાર વાર પીવાથી કફ છૂટો પડે છે અને ઉધરસ મટે છે.
(12) હળદર અને મીઠાવાળા તાજા શેકેલા ચણા રાત્રે સૂતાં પહેલાં ખવાથી (ઉપર પાણી પીવું નહીં) કાયમી ઉધરશ અને શરદી મટે છે.
(13) જૂની ખાંસી હોય અને મટતી ન હોય તો 1-1 ચમચી હળદરનો પાઉડર પાણી સાથે સવાર-બપોર-સાંજ ફાકવાથી આરામ થાય છે. આ પ્રયોગ કોઈપણ વ્યક્તિ ગમે ત્યાં કરી શકે છે.
(14) નાની વાટકીમાં થોડું પાણી લઈ લવિંદ અને નાગરવેલના પાન નાખી ઉકાળી ચોળીને પીવાથી ઉધરસ મટે છે.
(15) અરડૂસીના પાન વાટી બે તોલા રસ કાઢી અડધો તોલો મધ મેળવી દિવસમાં બે વાર પીવાથી કફવાળી ઉધરસ મટે છે.
 

હોઠ ફાટે ત્યારે....

હોઠ ફાટે તો રાતે સૂતા પહેલાં હઠ ઉપર એરંડિયું બરાબર ઘસીને સૂઈ જવાથી ધીમે ધીમે સારું થઈ જાય છે.

થાક લાગે ત્યારે....

અતિશય થાકનો અનુભવ થતો હોય તો નારંગીની પેશી ચૂસવાથી દૂર થાય છે.

ખીલ થાય ત્યારે....

(1) ખીલ થયા હોય તો ચહેરા પર નારંગની છાલ ઘસવાથી ફાયદો થાય છે.
(2)તલનો જૂનો ખોળ ગાયના મૂત્રમાં કાલવી મોં ઉપર લેપ કરવાથી યુવાનીમાં થતા ખીલ દૂર તાય છે.
(3) પાકા, ખૂબ ગળી ગયેલા પપૈયાને છોલી, છૂંદીને ચહેરા પર થોડો સમય માલિશ કરવી- મસળવું. 15-20 મિનિટ બાદ સૂકાવા લાગે ત્યારે પાણીથી ધોઈ નાખી જાડા ટુવાલ વડે સારી રીતે લૂછી જલદી તલનું તેલ કે કોપરેલ ચોપડવું. એક અઠવાડિયા સુધી આ પ્રમાણે કરવાથઈ ચહેરા પરના ખીલ, ડાઘ વગેરે દૂર થઈ ચહેરો ખૂબ જ સુંદર દેખાય છે અને ચહેરાનું તેજ વધે છે. ચહેરાની કરચલીઓ, કાળાશ અને મેલ દૂર થાય છે, ચહેરા પર કોમળતા અને કાંતિ આવે છે.
(4) પાકાં ટામેટા સમારીને ખીલ પર બરાબર ઘસવાં. બેચાર કલાક એમ જ રહેવા દેવું. ત્યારબાદ હૂંફાળા પાણીથી ધોઈ નાખવું. આનાથી ચહેરાના ખીલ ઝડપથી મટી જાય છે.
(5) જાંબુના ઠળિયાને પાણીમાં ઘસી ચોપડવાથી યુવાનીને લીધે થતા મોં પરના ખીલ મટે છે.
(6) સવારે અને રાત્રે બાવળ, લીમડો કે વડવાઈનું દાતણ કરી એના કૂચાને મોં પર માંચેક મિનિટ ઘસતા રહેવાથી મોં પરના ખીલ મટે છે.